قلبي المثلوم
يا قلبي المثلوم نبضاتك حنين
اياك ثم اياك جرحك تعلنه
يكفيك ما عانيت من جور السّنين
ظلم الأوادم للأوادم شيطنه
الهم وجيوشه على القلب الحزين
يكفيك ما لاقيت ذلّ و مسكنه
في داخلك صرخات والآم وأنين
كسر الخواطر في صميمك ساكنه
ضعن البشر مو شرط طعنات الأدين
بعض الكلام احيان طعنه ماكنه
واحيان نظرات الأوادم بالعنين
تجرح و تذبح كل ابوها ممكنه
يا قلب اصبر وصطبر والله معين
لابد ما تفرج وخذها مفطنه
شخصٍ غدر بك اتركه لو بعد حين
سهمه يصيبه في ضلع لا تطعنه
ولهة الشوق
شيخه المقبالي
