تدري !
تدري إنك بقلبي
وتدري إني أحبك
وأعشقك
بجنون.
يالحب إللي ملك فؤادي
وأجمل من خلق ربي
وأروع بشر
في الكون.
ياللي رخصت لاجلك الغالي
ورافقتني في حلي وترحالي
واخفيت عشقك في داخلي
سر مكنون.
وخليتني عاشق
فوق الخيال والآفاق سارح
أشوفك بعيوني كل هالعالم
وحضني لك دفا وسكون.
وحسستني إني
ماني واحد من الناس
وذوبتني في دنيا كلها إحساس
ومنهو غيرك على روحي يمون.
وأدري إنك تجامل
وأدري إنك تساير
ولكن غصب عني أهواك
وأعشقك حد الفتون.
والمهم إنك ساكن بروحي
ومحتل هالوجد
والشوق لك
في داخل القلب مرهون.
عجزت أداري شعوري
وعجزت أخون إحساسي
وعجزت أخفي سما قدرك
عن كل العيون.
حتى شربت حبك
كاس ورا كاس
وما غلب طرفي نعاس
إلين همت فيك حد المجون.
ومن رحلت ما بقي فيني
غير أحلام راحلة
وجرح غائر ينزف
من كثر الخيانة والطعون.
د/ممدوح
