فيديو.. الكويتي الذي تعرض لاعتداء في طرابزون: لا تروحون تركيا .. روحوا أبها والطايف
شفق: تويتر
ظهر المواطن الكويتي محمد العجمي الذي تعرض لاعتداء في مدينة طرابزون التركية، في مقطع فيديو جديد أكد من خلاله عدم ذهابه إلى تركيا مرة أخرى مشددًا أنه شخص لديه عزة نفس وكرامة، ونصح الكويتيين بالذهاب لأبها والطائف من أجل السياحة.
وقال العجمي في حوار مع قناة “مباشر نيوز”: ما أحد أنعش اقتصاد الدولة التركية إلا الخليجيين، ما أحد وقف في الزلزال اللي حصل في تركيا خلال 3 ساعات إلا الشعب الكويتي تبرع بـ 5 مليون لأنكم مسلمين ولكن أنتم شنو جازيتونا وشنو سويتوا معانا.
وتابع العجمي أن: ما حدث معي ما أتوقع إنها حالة فردية، لأن بس خلال السنة هذي بدل الحالة 10 حالات، وكلكم شفتوا الشرطة كيف هربوا الجاني وقعدوا يتكلمون معاه وهي منهارة، وشفتوا الأخت اللي في المطار المتنرفزة، والأخ اللي في المطار اللي شايل ابنه اللي يقول أنتم ما تمشون العالم إلا لازم تحطون فلوس في الجوازات.
ووجه العجمي رسالة لإخوانه بتركيا قائلا: إذا صدق عندكم غيرة ونخوة لأخوكم وإخوانكم اللي أهينوا في تركيا، الله يرحم والديكم لا تقعدون في هالديرة اللي ما تسوى.
وأضاف: إخواني اللي بيسافرون لتركيا، والله إني من القلب ناصح ما أحد أجبرني أنصحكم لا أحد يروح الدولة اللي كلها عنصرية وأنا شفت بعيني، قسما بالله ما يخلونك بحالك، حتى لو تقول يا غريب كن أديب، سوينا هذا الشي ما نفع والله يتحرشون بيك ويخلقون أي مشكلة معك.
وأردف موجهًا نصيحة لمن يرغب بالسفر للسياحة قائلا: يا أخوي عندك السعودية الله يطول بأعمارهم، أبها والطايف، وعندك عمان صلالة، البوسنة يعني ما وقفت على هذولا، قسما بالله إنهم يكرهون العرب، يا حكامنا لازم ناخذ موقف ضدهم.
محمد العجمي للكويتيين:
لا تروحون تركيا … روحوا أبها والطايف#الكويت #تركيا pic.twitter.com/JcBwyRCH6C
— مباشر نيوز (@mobashernewss) September 21, 2023
