مشاعري بازفها لك تنصاك
ياللي كما صبحً تبين شعاعه
وفي خاطري ترحيبةً لك وتزهاك
حفظتها في الصدر مثل الوداعه
(يامرحبا ترحيبةً كنها اياك
فيها شموخ وعزةً وارتفاعه)
ياسيدي لولا الولي ثم لولاك
ضعنا مثل شعب هلك من ضياعه
ياحاكمً شوف السعد في محياك
عز العروبة قايدً بك براعه
انته (محمد)ذخرنا ماشنيناك
ترقا بنا والعز رفرف شراعه
درب العلا مايصعده غير شرواك
في ذروة القمة غدا لك طماعه
ابهرت حكام الدول من سواياك
منتة تدور للمعالي شفاعه
ليثً تزبن من لجى داخل حماك
ومن هيبتك خصمك غدا فيه راعه
الله يكثر جنس مثلك وحلياك
ياللي تحارب فاسدً به دناعه
متفائلين برؤيتك ونتحراك
يا الدهى الدهاة بحنكةً واستطاعه
انته ولد (سلمان) والله يرعاك
رايك يجي من قدح راس وشجاعه
يامروي الضامي على جال مسقاك
يالصامل اللي نجدته من ذراعه
العَسر لان ولينة طيب مسعاك
نهظة وطن بالتنمية والصناعه
سبحان منهو خالقك كيف سواك
تسعى لعز الدار دون انقطاعه
تتعب مجارينك بنهجك وممشاك
تمشي مماشي اليوم في ظرف ساعه
وسياستك ترهب دول من حماياك
للدين والبيت الحرم والجماعه
خلدت لك مجدً بعزمك ويمناك
منحوت باسمك نحت ماهو طباعه
(ياسيدي ولي العهد) جعل يفداك
اللي شكى شعبه حروب ومجاعه
انفوسنا دونك ولاتفرح عداك
ماهوب زيف اقولها من قناعه
وازكى الدعى للي على الخير رباك
(مليكنا الغالي) فدوه الرعاعه
وانته زبونً للثنا لا عدمناك
ومدحك هو المكسب وخير البضاعه
الشاعر
عبدالاله بن فهيد الرقعان المري
