يوم ابتدينا وش تظنون كنا
تخيلوا جدانَّا الاولينا
يوم ابتدينا كيف كنا وكنا
هذا معانا وذا تنمر علينا
أول بدينا صغار والله معنا
سبحان منهو عزز العزم فينا
يوم ابتدينا صغار لكن كبرنا
كبرت أمانينا وعلينا وسمينا
عشنا الفقر ألوان ألوان ذقنا
لكن على نفسٍ عزيزة ربينا
نفرش حصير الخوص يوم افترشنا
ونجلس نخطط وش لنا وش علينا
وسفرة غدا تمر ولبن ان وجدنا
وقرص عيش وكلنا حامدينا
وسمرةعلى زل قهوة ان سمرنا
على النثر وابيات شعرٍ سمينا
شفنا التعب والمرض والخوف عشنا
مرت لياليها شهور وسنينا
كنا اف جهل وشتات واحزاب كنا
وأول (عدو)الجهل يوم ابتدينا
على الجهل خضنا معارك وفزنا
مانرض ان احد يتقدم علينا
وعلى التفكك والشتات انتصرنا
ومن جا يأخر سيرنا مارضينا
يوم ابتدينا صغار لكن كبرنا
كبرت أمانينا وعلينا وسمينا
مثل الشهب يومٍ تعلّا فلكنا
ننزل على روس العدا الخاينينا
يوم (البداية )اللي تحدد هدفنا
نقطع يد الباغي مع الطامعينا
دستورنا القرآن قوة بلدنا
وشريعة الهادي النبي الأمينا
يوم ابتدينا وذيك راية بلدنا
مهابة وعز وفخر وابتدينا
